Svingom! Knørradansur á Hálsi 28. januar

Tað er alt ov langt síðan, tú hevur fingið ein ordiligan svingom; men nú fært tú hann leygarkvøldið, 28. januar, tá Knørradansur verður í høllini á Hálsi í Havn. Tú veitst - orkestur, pyntað borð og festlig fólk, sum hugna sær og drøna eftir gólvinum. Kom ein túr, og tak vinkonurnar og kammisjukkarnar við!Atgongumerkir fáast við dyrnar.Fyriskipari er Stuðulsfelagið Knørrur. Inntøkan fer øll til at reka ítróttarvirksemið hjá Róðrarfelagnum Knørri.