Knørradansur 28. januar í høllini á Hálsi

Tað er eftirhondini alt ov langt síðan, tú hevur fingið ein ordiligan svingom! Nú fært tú hann aftur leygarkvøldið, 28. januar, tá ið Knørradansur verður í høllini á Hálsi í Havn. Orkestrini Twilight, Four Men og Anfinn & Co fara at spæla, og høllin verður sum altíð hugnalig, har pláss eisini verður at seta seg niður eina løtu at sløkkja tostan og fáa eitt prát millum dansirnar.Tað er Stuðulsfelagið Knørrur, sum skipar fyri Knørradansinum. Inntøkan fer øll til at reka ítróttarvirksemið hjá Róðrarfelagnum Knørri.Set kross í álmanakkan tann 28. januar og bjóða vinunum við til dans, hugna og festlig fólk. Atgongumerkir verða at fáa við dyrnar.